Robare-man de Lin

Name ke mi muta: Percy Jackson=Persi Jaksin Grover Underwood= Karoa Undapu Mr. Bruner= Senjora Paruna Nancy Boboftiz= Nansi Bobofita. Yancy= Iansi Persi Jaksin an Deo Olimpus: Buku 1 Robare-man de Lin Buku-Peso 1: Guru mi o matemati i veni a aero I ia no go pale de man ota; mi i vole a viva de melanje-man en tenpo no. Se tu i leje a di ka tu i pensa ke tu a melanje-man, mi i pale a di: i fini a buku. I fide a mentira ke paren tu i pale de nati tu an i tenta a viva medi. Viva sama viva mi e danja. Si e fobo. En tenpo mui, tu i mori de kosa duka. Se tu a kinde medi an tu i leje a dis go amuse, si e bon. I leje. Mi i envi a tu ka tu i kan pensa ke di i kama no. Se tu i mira a ego en buku di--se kosa i move en anima tu--i fini a buku. Tu e sama mi ale. Se tu i savi a di, tu i ave a tenpo mini. "Si ale" i go savi en tenpo sun. Mi i pale a ale ke mi i kan. Nome mi a Persi Jaksin. Mi i ave 12 ano. Tila tenpo sun, ekola mi a Iansi. Si a ekola go etudi-man kon duro. Mi a etudi-man kon duro? Tu i kan dire a di. Tenpo mui i demo a di en viva piti-fule mi, pero viva mi i mala en monato pente de ano ante. Si a tenpo ke etudi-junta mi i go a seni-loke Metopalitan-- 26 kinde loko an 2 guru en ekolo-karo pila i move go ke si ale i kan mira a kosa de Roma an Kareka antika. Si e kama mala-terapi--an mi pensa a da. Pero Iansi i lase solo a vakansa bore mui da. Per Senjore Paruna i lida a vakansa, an mi arapan a kosa bon. Senjore Paruna i guru a linga Latina. Si e antika mui no an si i uti a sede ego-move. Si i lose a pelo en topi de kapo si, pero si i nese a raso go visaje si en tenpo mui. Jaketa si i ave a aroma de kafe. Apare si e bore, pero si a guru favo mi. Si i pale a joke an saga en ekola-tenpo, an si i lase ke mi ale i ludi en ekola-tenpo. Koleki si de vepon de Roma an Kareka antika i kan vake a man ale. Mi ave a arapan bon go vakansa. Mi arapan ke mi ave no a duro. Mi konfesa ke mi e mala. Vakansa go ekola e mala go mi. Mi go a bata-loke Saratoka en ano penta-ranko de ekola. Mi i mudi no go ekola-karo, pero kanon ke mi mire i ruina a di. Mi go a pisi-loke en ano fo-ranko de ekola. Mi senta a boton mala an mi ale i naje kon denta-pisi. Mi pale ma kan, pero mi fide ke tu i savi. Mi i ato bon en vakansa di. Mi memo tenta a di en tenpo ke mi ale i go a Nuyork. E duro kon Nansi Bobofita. Si a feme-kinde ke ave a ruje pelo an numa mui de visaje-punto. Si e go Iansi ka si a robare-feme. Si i robare no, pero si i jeti a kapo de amigo mi Karoa kon sando ke ave a nuki-butero an vese-poma-gupu (e mala-aroma-fule!) Karoa a mudi fasile. E fino. Si i lagima mui en tenpo ke si e furi. E kama-kan ke di a tenpo san-ranko en ekola-ano di ka si i ave visaje-pilo fino....an si i kamina duro. I make nese no a uben ka si i ave mala-sano en rama si. Mi pale ke si i kamina duro, pero tu i savi nese di: si a man uno-ranko en manja-loke en tenpo ke ave manja favo si. Sando de Nansi i ronpe an peso de sando e en pelo maron elika de Karoa. Mi kan make no a kosa; Iansi i pale ke se mi make a kosa mala, mi kite nese de Iansi. Ekola-lida i pale go mi en buro-kamera ke se kosa mala/umile/amuse mini i pasa en vakansa, mi e en ekola de tenpo nun go mori mi...mi arapan ke si joke. "Mi mori vole a si," mi pale no-sono-fule. Karoa i resi tenta a mi. "Si e mala no. Mi favo nuki-butero." Si i evita a peso de sando. "Mi toma a sando an--" Karoa i toma a mano mi an si tira mi go sede. "Tu savi a efeto en tempo ke tu make a duro" Karoa i dire. "Iansi i go vina a tu se tu make ankora a kosa!" Se mi kan muta a kosa, mi jeti a Nansi de ekola-karo. Nulo ke ekola i kan make e mala ma sama tenpo ke i pasa.