29قواعد النجاح فالشغل الــ

قواعد النجاح فالشغل الــ 29 : 1- راعي ضميرك و اعرف ان الشغل رزق و الرزق بأيد ربنا. 2- دوس على الاخر فالشغل بس افتكر انك بني آدم و محتاج تريح. 3- أوعى تظلم حد ... صدقنى الدنيا مش مستاهله. 4- العلاقات الانسانية مهمة طبعا .... بس برضو احنا مش فالنادي. 5- ألعب رياضه. 6- عامل الناس كويس ... بس خلى بالك من الخوازيق. 7- خليك ايجابي .....بس مش أهبل. 8- أوعى تكدب مهما كانت العواقب (موظف غلطان أفضل بكتير من موظف كداب). 9- العميل مش دايما على حق.... بس المدير دايما على حق . 10- طلع صدقات وأدعي كتير. 11- ألبس شيك...وخليك مبتسم. 12- ماتنصحش حد فاجتماع ولا قدام حد. 13- ماتبعتش ايميل وانت متنرفز ... حطه فالدرافت و ارجع ابعته لما تهدي. 14- ما تقراش ايميلات عالصبح. 15- أقفل الاوتلوك و حط مواعيد لقرايه الايميلات خلال اليوم. متقلقش الكوارث بتيجي على التلفون مش على الايميل. 16- ساعد كل الناس هتلاقي حياتك بتجرى ناحيه النجاح. 17- ظبط الاوفيس بوي هيظبطك. 18- راجع القواعد اللي فاتت تاني . 19- لو هتسيب شغلك وتروح مكان تاني حافظ على العلاقات القديمه. 20- طور نفسك طول الوقت ... محدش بيكبر على العلم. 21- اتعلم ازاى تعرف تعمل بريزنتيشن. 22- اتعلم المبادئ الماليه. 23- أتعلم مهارات البيع عشان تعرف تبيع افكارك. 24- خليك محدد و اتكلم دايما بالارقام. 25- أبنى شبكه علاقات بره الشغل (سافر-أحضر دورات-مؤتمرات-....). 26- حافظ بقي على شبكه العلاقات وعلى الاقل تواصل معاهم مره كل شهر. 27- حدد ولو كروكي انت نفسك تعمل ايه فحياتك المهنية عشان تعرف تاخد قرارات. 28- حوش .... اعمل حساب فالبنك للادخار و اعمل عليه تحويل اوتوماتيك من الحساب اللى بينزل المرتب عليه بنسبة من المرتب (10% مثلا). 29- اطبع القواعد دي وخليها قدامك لغايه ما تبقي جزء من حياتك . #الشغل #النجاح منقول من marwan ali